BAKI.03.12.2004.MEDİA-PRESS: Gənclər, İdman və Turizm Nazirliyi ölkə mehmanxanalarında səkkizində yoxlama aparıb.
Mətbuat konfransında bu haqda məlumat verən nazir Əbülfəz Qarayev deyib ki, mehmanxanalardan heç biri iddiasında olduqları keyfiyyət sənədəni ala bilməyib. Yoxlamanın sonunda onlara vaxt verilib ki, çatışmazlıqları aradan qaldırsınlar. Yalnız bu təqdirdə onlara keyfiyyətli xidmət sertifikatı verilə bilər.
Nazir gələn il Azərbaycandakı mehmanxanaların hamısında yoxlamalar aparılacağını deyib. İndi respublikamızda 261 mehmanxana, o sıradan ailəlilər üçün mehmanxanalar, kempinqlər, mehmanxana kompleksləri və s. vardır.