BAKI.26.01.2004. MEDİA-PRESS: Rusiya " Dağlıq Qarabağ münaqişəsinin nizamlanması üzrədanışıqları mümkün qədər tez bərpa etməyi" zəruri sayır. RF XİN başçısının müavini Vyaçeslav Trubnikov bu gün İTAR-TASSa müsahibəsində bu fikri vurğulayaraq deyib:"Ümid edirik ki, 2004-cü ildə bu münaqişənin nizamlanması prosesində mühüm irəliləyişlər baş verəcək". Rusiya tərəfi həm ikitərəfli əsasda, həm də ATƏT-in Minsk qrupunun həmsədrlərindən biri kimi ABŞ və Fransa ilə birlikdə" mümkün olanı edir ki, bu yeni mərhələ mümkün qədər tez yetişsin".
O diqqəti belə bir cəhətə yönəldib ki, "2002-ci ildə Bakı -Yerevan danışıqları açıq-aşkar dalana dirəndi, keçən il isə prezident seçkiləri üzündən bu iş ümumiyyətlə baş tutmayıb". Ona görə də diplomat hesab edir ki, " indi ümdə məsələ nizamlamanın mahiyyəti üzrə danışıqları mümkün qədər tez bərpa etməkdir".
Ermənistar rəhbəri Robert Koçaryan və Azərbaycanın yeni seçilmiş prezidenti İlham Əliyev arasında dekabrda Cenevredə İnformasiya cəmiyyəti üzrə Ümumdünya Sammitində kerçəkləşmiş pərdəarxası görüş Trubnikova görə."böyük əhəmiyyət daşısa da, bir çox suallara, o sıradan prosedur qaydalarına aid süuallara aydınlıq gətirə bilmədi və buna hələ vaxt gərək olacaq. Həm də danışıqlar üçün yeni zəmin hazırlanmalıdır. Bu isə heç də sadə işh olmayacaq. Ona görə ki, tərəflərin indiki mövqeləri 2-3 il əvvəlkindən xeyli fərqlənir".
RF XİN müavini problemin həlli imkanını qiymətləndirərkən belə ehtimal irəli sürüb ki," 2004-cü ildə dağlıq qarabağ münaqişəsi nizamlanmayacaq, ancaq dolğn danışıqlar mexanizmi işə düşməlidir".
O deyib ki, "baharda regiona səfər" vasitəçilər yaxın planlarına daxildir. Bna qədər isə onlar " danışıqların müzakirəsinə çıxarılacaq məsələləri müəyyənləşdirmək üçün Bakı ilə Yerevan arasında hazırlıq görüşlərini təşkil etməyi düşünürlər".
Trubnikov deyib:"Prezidentlərin son dərəcə vacib olan görüşləri qeyri-müntəzəm və qısamüddətli olduğu üçün nizamlanmanın mahiyyətinin müzəkirəsi üçün kafi deyil. Odur ki, həmsədrlər Ermənistan və Azərbaycan arasında ikinci səviyyəli danışıqlırı da təşkil etməyə çalışacaqlar. Belə danışıqlar daha müntəzəm, ətraflı və dərin səciyyə daşıyacaq". Sitatın sonu.
Minsk qrupunun fəaliyyətindən danışın RF diplomatı qeyd edib ki," nə üzvlər, nə də həmsədrlər heç zaman passiv olmayıblar. Qrup on ildən çoxdur mövcuddur və onun bu müddətdə təklif etdiyi nizamlama variantlarının hamısı ya Ermənistan, ya da Azərbaycan tərəfindən rədd edilib. Nizamlamanın bütün mümkün variantları əslində danışıqlar prosesinin gündəliyinə çıxarılıbdır".
Trubnikov təəssüflə deyib ki, "tərəflərdən hər biri yenə də ancaq öz mənafeini güdür, rəqibinin mövqeyi ilə hesablaşmır". Buna baxmayaraq,"Minsk qrupu həmsədrləri öz qərəzsiz və xoşniyyətli vasitələr rolunu əvvəlki kimi vicdanla yerinə yetirmək niyyətindədirlər". Sitatın sonu.

UKRAYNA VƏ ERMƏNİSTAN XİN BAŞÇILARI DAĞLIQ-QARABAĞ MÜNAQİŞƏSİNİN NİZAMLANMASINI TBİLİSİDƏ MÜZAKİRƏ EDİBLƏR