BAKI.21.05.2004.MEDİA-PRESS: Azərbaygan millət vəkili, respublikanın Avropa Şurası Parlament Assambleyasındakı (AŞ PA) nümayəndə heyətinin üzvü Rəfael Hüseynov REGNUM agentliyinə müsahibəsində dağlıq qarabağ problemi və bəzi AŞ PA nümayəndlərinin bu məsələdəki mövqeyi barədə fikirlrini bölüşür. İndi diqqətitnizi onun müsahibəsinə cəlb edirik.
SUAL: Sizin Avropa Parlamentinin deputatı Per Hartonun Yerevanda dediyi :"Mən Dağlıq Qarabağı Azərbaycanın tərkibində görmürəm" sözləri barədə fikrinizi bilmək istərdik.
CAVAB: Bu, ermənistan mətbuatının növbəti xülyası ola bilər. Lakin əgər cənab Harton doğrudan da belə bir bəyanat veribsə, bu, onun yalnız səriştəfsizliyinə dəlalət edir. Bu deputat Avropa PArlamentinin Cənubi Kavkaz üzrə məruzəçisidir. Əgər o bu ruhda bəyanat verirsə, bir məruzəçi kimi onun qərəzsizliyinə inanmaq olarmı? Peşəkar diplomat və siyasətçi heç vaxt belə sözlər işlətməz. Oxşayır ki, "erməni lobbisi" ona kalan pul verib.
Açığını deyim ki, Avropa Şurasında işlədiyim bir çox illər ərzində mən Harton kimilərini çox görmüşəm. Məhz bu tip adamlar bizə Azərbaycanın ədalətli tələblərini "dəstəklədiklərini" deyir, ancaq sonra mövqelərini kəskin dəyişirdilər. Bir dəfə mən belə deputatlardan birindən soruşanda ki, siz niyə mövqeyinizi belə tez-tez dəyişirsiniz, o mənə açıq dedi: "erməni dostlarımız elə təklif irəli sürüblər ki, imtina etmək, sadəcə, mümkün deyil. Ona görə də, Hartonun bəyanatının "erməni lobbisi"- nin yeni fitnə-fəsadı olması fikrindəyəm. Hər bir sağlam düşüncəli siyasətçi separatizmə düşmən kəsilməlidir. Lakirn, zənnimcə, belə istilah Hartona yaddır. Çünki o, Azərbaycanın ərazi bütövlüyü prinsipini pozaraq, ermənistan-qarabağ separatizmini dəstəklədi. Hesab edirəm ki, azərbaycan iqtidarı Avropa İttifaqı və Avropa Parlamenti rəhbərliyinə öz fikrini bildirməlidir. Axı, Aİ də, AP də Azərbaycanın ərazi bütövlüyünü Dağlıq Qarabağla və işğal olunmuş 7 rayonla birlikdə tanıyıblar.
SUAL: Bəs siz Hartonun başqa bir bəyanatı: "Azərbaycan və Türkiyə heç bir şərt qoymadan Ermənistanla əvvəlki kommunikasiyaları bərpa etməlidirlər" sözləri barədə ne deyə bilərdiniz?
-Bu, Hartonun daha bir sayıqlamasıdır!. Bu məsələdə Azərbaycanın mövqeyi bütün dünya birliyinə bəllidir: Ermənistan işğal etdiyi əraziləri boşaltmayınca və Azərbaycanın ərazi bütövlüyünü tanımayınca, kommunikasiyaların və iqtisadi ilişkilərin bərpasından söhbət belə gedə bilməz. Mənə elə gəlir ki, Harton bu bəyanatını verəndə, heç özündə olmayıb. Bunun nə ilə - ermənistan konyakının tündlüyü , yoxsa onun Azərbaycana qərəzli münasibəti ilə bağlı olduğunu bilmirəm.
SUAL: Beynəlxalq təşkilatlar Per Hartonun bəyanatını əsas kimi götürə bilərmi?
-Əsla! Bu, yalnız bir deputatın fikridir. Keçən 10 ildə biz bu qəbil bəyanatları dəfələrlə eşitmişik. Nəhayət, bu, Aİ-nin də fikri deyil. Ermənistan bu məsələdə bundan sonra da inadkarlıq göstərərsə, Azərbaycan problemi istədiyi tərzdə həll etmək hüququnu özündə saxlayır.
SUAL: ATƏT-dəki azərbaycan nümayəndə heyətinin üzvləri qarabağ probleminin həlli ilə bağlı nə kimi əməli iş aparırlar?
-Azərbaycan heyətinin ATƏT-də işlədiyi illərdə deputalarımız böyük həcmdə iş görüblər. Əvvəla, biz Azərbaycanın informasiya blokadasını yarmışıq. İkincisi, ATƏT-in qətnamələrində Ermənistanın təcavüzkar kimi tanınmasına nail olmuşuq. Artıq ATƏT deputatlarının çoxu münaqişə barədə, Azərbaycanın işğal olunmuş əraziləri və milyon qaçqını barədə həqiqətləri bilir. Bu, bizim nümayəndə heyətinin böyük qələbəsidir, Ancaq hələ çox şey görülməlidir, çünki "erməni lobbisi"nin ATƏT-dəki mövqeyi hələ çox güclüdür.
SUAL: ATƏT-də qarabağ probleminin müzakirələri nə vaxta təyin olunub və lord Terri Devisin bu problemə dair məruzəsi artıq hazırdırmı?
-Bilirsiniz ki, bu problem üzrə məruzəçi ingilis parlamentari Terri Devisdir. O Avropa Şurasının Baş Katibi vəzifəsinə namizədlərdən biridir, Əgər o, iyunda keçirilən bu seçkilərdə qalib gələrsə, məruzənin müzakirələri uzana bilər. Ancaq lord Devisin seçilməyəcəyi təqdirdə məruzə ATƏT-də hökmən müzakirə olunacaq. Açığını deyim ki, məruzənin Azərbaycanın xeyrinə olacağına ümid bəsləməyə dəyməz. Bu, sadəcə, tərəflərdən heç birini razı salmayan bir diplomatik sənəd olacaq. Ancaq Hartondan fərqli olaraq, lord Devis prinsipial siyasətçidir, münaqişə barədə kifayət qədər məlumatıa və Erməistanın Azərbaycana qarşı təcavüzü barədə geniş təsəvvürə malikdir. Tezliklə biz dağlıq qarabağ münaqişəsinə Hartonun və lord Devisin baxışlarındakı fərqi görəcək və biləcəyik. Düzünü deyim ki, mən Devisin vicdanına inanıram, Bu adam Azərbaycana aid məsələlərin ATƏT-dəki müzakirələri zamanı prinsipiallığını dəfələrlə nümayiş etdirib.
SUAL: Sizin ATƏT-dəki erməni həmkarlarınızla əlaqələriniz olurmu?
-Şəxsən , xeyr. Ancaq erməni deputatlar hansısa əməli təklifləri mənimlə müzakirə etmək istəsələr, həmişə hazıram. Ermənilərin faciəsi ondadır ki, səhvlərini boyunlarına almaq istəmirlər. Həqiqət Azərbaycanın tərəfindədir və düşünürəm ki, tez-geç, ermənilər də bunu etiraf edəcəklər. Ancaq hələliksə, onlar Qafqazda sabitliyi istəməyən qüvvələrin təsiri altındadırlar.

AZƏRBAYCAN PREZİDENTİ DAĞLIQ QARABAĞA MUXTARİYYƏT VERMƏYƏ HAZIR OLDUĞUNU DEYİR